Aram Bejaku Iban
Apai kami ti di serga
Kudus meh nama nuan
Datai ka perintah nuan
Jadi meh peneka nuan
Baka dalam serga
Bakanya dalam bumi
Beri ka kami pengidup tiap ari
Ampun ka penyalah kami
Baka kami ti ngampun orang ti salah ngelaban kami
Intu kami ari penguji
Lepas ka kami ari penyai
Kra nuan ti bempu perintah
Enggau kuasa enggau mulia
Datai ka belama-lama ya
Amen.
Wai!! Betemu baru kitai.
Arap ka kitai sama bela udah nyebut sampi Allah Taala dalam ati diri pagi tok neh. Ngambi ka mujur magang pengawa kitai sepemanjai ari.
Akai...kenu ko jaku deka becerita dalam tok ambis kurang seminggu sekali. Tang nadai ko enggau ya meh. Nyu ka setaun baru nambah baru tok...
Aku ukai orang ti nemu becerita wai. Ti bisi nama-nama ti dirunding tauka di asai, biasa ya aku nyimpan kediri dalam ati. Baru ka encuba bekunsi cerita enggau bala ti tama ke dalam panggau aku tok meh.
Endang sengaja aku milih becerita dalam jaku Iban wai. Encuba ka ngemasang ka jaku bansa kitai. Pengelama diau di menua orang, sekali sekala manah gak enti deka ngansah baru pemandai bejaku Iban. Enda pia? Idup Iban!!! :)
Taja di rumah bejaku Iban, tang mayuh kitai bejaku Iban pasar. Nemu utai ti kenu aku? Ngambi chunto aku empu.
Maya bejaku dalam telefon...
Aku : Nama berita kitak mang?
Orang : Manah. Bila nak datang sini aunty?
Aku : Maybe, end of this year we're going back...
Orang : Wahh!! bestnyeee. Ila kitai balik kampung nenek auk. Mang nak makai rambutan banyak2
hahaha..pelaba aku mayuh bala kitai kala dalam situasi tok. Dunya kemaya ari tok utai bakanya sigi enda ulih diseliah.
Aram sama-sama bekunsi runding bakani deka ngangkat ka pemanah jaku bansa kitai wai. Aku belajar Bahasa Iban naka pom 3 aja. Nya pan semina bulih gred B... hehe
-
-
-
-
-
-
-
Anak mit tok mereti jaku Iban. Hehehe...
Mupuk dulu aku. Betemu baru kitai.
Terima kasih maca cerita tok.
p/s : Barang sapa ti landik dalam Bahasa Iban tulung check spelling & grammar. hehe..
